Кытай АКШдан Мадурону бошотууну талап кылды

Кытай АКШны Венесуэланын президенти Николас Мадуронун жана анын жубайынын жеке коопсуздугун камсыздоого жана аларды токтоосуз бошотууга чакырды. Бул тууралуу Кытайдын Тышкы иштер министрлигинин расмий сайтына жарыяланды.

"Кытай тарап Америка тарапты президент Мадуронун жана анын жубайынын жеке коопсуздугун камсыздоого, аларды тезинен бошотууга, Венесуэладагы мамлекеттик бийликке шек келтирген аракеттерди токтотууга жана көйгөйлөрдү диалог жана сүйлөшүү жолу менен чечүүгө чакырат", - деп айтылат расмий билдирүүдө.

Кытайдын ТИМи суверендүү мамлекеттин башчысын америкалык аскерлер тарабынан колго түшүрүлүшү эл аралык укукту жана эл аралык мамилелердин негизги нормаларын бузуу экенин баса белгиледи. Агы ылайык, АКШнын операциясы БУУнун Уставынын максаттарына жана принциптерине карама-каршы келет.

Белгилей өтсөк, АКШнын атайын операциясы учурунда Венесуэланын лидери Николас Мадуро жана жубайы 3-январга караган түнү Каракас шаарындагы үйүндө кармалган. Операцияга АКШнын "Дельта" контртеррордук бөлүгү, ракеталары жана атайын топтор катышкан. Окуя тууралуу маалымат шилтемеде.