Манас шаарында 15,4 чакырым темир жол бузулуп, ордуна унаа жол курулат (видео)

Манас шаарында 15,4 чакырым темир жол бузулуп, ордуна унаа жол курулат. Бул жөнүндө шаардык мэриянын маалымат борбору билдирди.

Учурда Жалал-Абад – Көк-Жаңгак темир жол тилкесинин 406-чакырымынан 421-чакырымына чейинки бөлүгүндө демонтаждоо иштери жүргүзүлүүдө.

Аталган тилкеде поезд акыркы жолу 1998-жылы жүрүүсүн токтоткон. Андан бери темир жол пайдаланылбай келген. Анын жалпы узундугу 15,4 чакырымды түзөт. Ал жолду демонтаждоо иштерин 1-февралга чейин аяктоо пландалууда.

Белгилей кетсек, демонтаждалган темир жолдун ордуна автоунаа жолу курулат.