Венесуэланын борборунда атышуу болду (видео)

Кечээ, 5-январь күнү кечинде Венесуэланын борбору Каракас шаарындагы Мирафлорес президенттик сарайынын жанында ок атышуу болгонун чет элдик басылмалар жазышты.

Окуяга күбө болгондор интернет желесине видеолорду бөлүшүшкөн. Маалыматтарга караганда, президенттик сарайды танктар менен аскерлер курчоого алып, асманда учкучсуз учактар ​​байкалган. Атышууга Венесуэла армиясынын тиешеси бар болушу мүмкүн экени айтылууда.

Окуянын себеби жана жагдайлары азырынча белгисиз.

Ошол эле учурда Ак үйдүн басма сөз катчысы АКШ Венесуэладагы ок атышуу тууралуу кабарларды кылдаттык менен көзөмөлдөп жатканын билдирип, бирок окуяга Вашингтондун тиешеси жок экенин кошумчалаган.

Эске салсак, Венесуэланын лидери Николас Мадуро жана жубайы 3-январга караган түнү Каракас шаарындагы үйүндө Америка аскерлери тарабынан кармалган.