"Эсимде" тасмасынын башкы каармандары: Тартуудагы кызыктар жана экран артындагы жашоо

SUPER.KG медиа порталы көрүүчүлөрдүн жүрөгүнөн түнөк тапкан "Эсимде" кино тасмасынын башкы каармандары менен маектешти. Тасмадагы ролдору аркылуу элге таанылган Умар Тыналиев жана Адеми Абасканова тартуу процессиндеги кызыктуу окуялар, чыгармачылык жолдору жана жеке жашоолору тууралуу ачык маек куруп беришти.

Актёрлордун айтымында, тасмада берилген сезимдер менен окуялар реалдуу турмушка жакын болгондуктан, каармандардын образын жаратуу оңой болгон эмес. Ошол эле учурда тартуу аянтчасында унутулгус, күлкүлүү учурлар да көп кездешкен.

Маектин жүрүшүндө Умар Тыналиев кино дүйнөсүнө болгон кызыгуусу, актёрдук кесипке келүү жолу тууралуу айтып берсе, Адеми Абасканова бул тасманын анын чыгармачылыгындагы өзгөчө орду бар экенин белгиледи. Экрандагы образдардан тышкары алар жеке жашоосу, хоббиси жана келечектеги пландары менен да бөлүшүштү.