Геосаясий чыңалуу күчөп, алтын рекорддук чекке жакындады

Дүйнөлүк рынокто алтындын баасы өсүп, тарыхый рекорддук деңгээлге жакындай түштү. Бул тууралуу чет элдик басылмалар жазышууда.

Геосаясий тобокелдиктердин күчөшү инвесторлорду коопсуз актив катары эсептелген алтынга көбүрөөк көңүл бурууга мажбур кылууда.

Адистердин айтымында, дүйнөдөгү саясий туруксуздук, айрым аймактардагы жаңжалдар жана АКШнын пайыздык чендерди төмөндөтүшү мүмкүн деген күтүүлөр алтынга болгон суроо-талапты арттырды. Мындан улам баалуу металлдын наркы туруктуу өсүүдө.

Эксперттер коопсуз инвестиция катары алтынга кызыгуу жакынкы мезгилде да сакталышы мүмкүн экенин белгилешет.