АКШ бийлиги Родригес менен Мадуро кармалардан мурун сүйлөшүүлөрдү жүргүзгөн

Америкалык расмий өкүлдөр Венесуэланын вице-президенти Делси Родригес жана Улуттук ассамблеянын спикери Хорхе Родригес менен Каракастагы операция башталар алдында бир нече ай бою сүйлөшүүлөрдү жүргүзүшкөн. Бул тууралуу CNN телеканалы жеке булактарына таянуу менен билдирди.

Булактардын айтымында, сүйлөшүүлөр Николас Мадурону бийликтен кулатууга көмөк көрсөтүүнү камтыган эмес. Бирок алар Родригести Венесуэланын президентин өзгөртүүгө үндөшкөн.

Эске салсак, 3-январда АКШ Венесуэлада атайын операция жүргүзүп, өлкөнүн лидери Николас Мадурону жубайы менен бирге туткундап, алып чыгып кеткен. 5-январда Венесуэланы убактылуу президент катары Делси Родригес башкарууга алды. Ал буга чейин өлкөнүн вице-президенти болуп иштеп турган.

Вашингтон Родригести убактылуу өкмөттү башкарып турууга ылайыктуу көрөрү айтылууда. АКШ бийлиги оппозиция лидери Мария Корина Мачадодон айырмаланып, Родригес Венесуэланын коопсуздук күчтөрүн көзөмөлдөй алат деген тыянакта.

АКШнын лидери Дональд Трамп Мачадону колдобой койгонун The Washington Post басылмасы жазып чыккан.