Башын жерге ургулап... Кайгуул кызматы мас айдоочунун жоругун жарыялады (видео)

Бишкектин Жол кайгуул кызматы мас абалында унаа башкарып жүргөн жаран аныкталганын билдирип, анын жасаган жоругу тартылган видеону жарыялады.

Маалыматта Hyundai үлгүсүндөгү унаанын айдоочусу жол тескөөчүлөрдүн документтерди көрсөтүү талабынан кутулуу үчүн ар кандай амалдарды жасаганы айтылат.

Видеодон анын жерге жатып алып, башын ургулап, анан кайра жол тескөөчүлөргө "силер урдуңар" деп догурунуп жатканын көрүүгө жана угууга болот.

Кайгуул кызматы ал наркологиялык мекемеге жеткирилип, текшерүүдөн соң спирт ичимдиктерин ичкени тастыкталганын кошумчалады. Натыйжада, айдоочуга карата укук бузуу боюнча протокол түзүлүп, унаа айып короого токтотулган.