Жол милициясынын башчысы кытайлык айдоочуларга эскертүү берди

Жол кыймылынын коопсуздугун камсыздоо башкы башкармалыгынын башчысы Азенбек Козукеев "Торугарт" Кыргыз-Кытай көзөмөл өткөрүү жайына барганын аталган мекеме билдирди.

Маалыматка караганда, ал оор жүк ташуучу унаалардын айдоочулары менен жолугушуп, котормочулардын жардамы менен кытайлык айдоочуларга өлкө аймагына киргенде жол эрежелерин так сактоо, каршы тилкеге чыкпоо зарылдыгын эскерткен.

Ошондой эле кытай тилинде даярдалган түшүндүрмө баракчалары таратылып, бажы көзөмөл пунктуна илинген.