Жогорку Кеңештин төрагасынын канча байлыгы бар?

Жогорку Кеңештин төрагасы Нурланбек Тургунбек уулу былтыр 3 миллион 685 миң 138 сом кереше тапкан.

Салык кызматы мамлекеттик жана муниципалдык кызматкерлердин салык декларациялары боюнча жарыялаган маалыматтарда Тургунбек уулунун 96,6 чарчы метр болгон батири жана 1500 метр чарчыны түзгөн жер тилкесин көрүүгө болот.

Ошондой эле спикердин 6 миллион сомду түзгөн жеңил унаалары, фургондору жана пикаптары бар. Андан сырткары, анын 2 миллион 400 миң сомдук жылкылары, 1 миллион 100 сом деп бааланган бодо малы, 1 миллион 150 миң сомдук майда малдары көрсөтүлгөн.

Тургунбек уулунун жакындары болсо, былтыр 3 миллион 222 миң 67 сом киреше табышканы белгиленген.