Ирандагы нааразычылык акцияларында каза болгондордун саны өсүүдө

Time басылмасы Тегерандагы аты аталбаган дарыгерге шилтеме берип, Ирандын борборундагы алты ооруканада нааразычылык акцияларынын 217 катышуучусу октон каза болгонун жазып чыкты.

Дарыгердин айтымында, бийлик өкүлдөрү жума күнү сөөктөрдү ооруканадан алып кетишкен. Ал каза болгондордун көпчүлүгү жаштар экенин айткан. Активисттер окуяда кеминде 30 адам жаракат алганын билдиришкен.

HRANA адам укуктары боюнча маалымат агенттигинин маалыматы боюнча, нааразычылык акциялары учурунда кеминде 62 адам каза болгон. Анын ичинде 14 коопсуздук күчтөрүнүн кызматкери бар.

Буга чейин митингдерде кеминде 35 киши набыт болуп, 1200дөн ашууну камакка алынганы айтылган.

Белгилей кетсек, Иранда нааразычылык акциялары 28-декабрда улуттук валютанын кунунун түшүшү, инфляциянын өсүшүнөн улам башталган.