Орусияда мигранттар медициналык текшерүүдөн качса жоопко тартылат

Орусияда милдеттүү медициналык текшерүүдөн качкан эмгек мигранттары жоопкерчиликке тартылат. Бул тууралуу Мамлекеттик Думанын төрагасы Вячеслав Володин билдиргенин чет элдик басылмалар жазышууда.

Эми Орусияга үч айдан ашык мөөнөткө келген чет өлкөлүктөр медициналык текшерүүдөн өтүү мөөнөтү 90 күндөн 30 күнгө кыскартылат. Текшерүү жыйынтыктары медициналык мекемелер тарабынан Ички иштер министрлигине берилет, ал эми инфекциялык оорулар аныкталса Саламаттык сактоо тармагындагы тийиштүү кызматтарга кабарланат. Бул чаралар мигранттарды тез арада депортациялоого багытталган.

Медициналык текшерүүдөн качкандарга айып пул салынып, соттун чечими менен өлкөдөн чыгарылышы мүмкүн. Ал эми ден соолук тууралуу документтерди жасалмалоо кылмыш катары каралат.

Вячеслав Володин белгилегендей, бул чаралар мигранттарга карата көзөмөлдү күчөтүү жана коомдук коопсуздукту жогорулатуу максатын көздөйт.