Кыргыз балбандары эл аралык турнирде эки алтын медаль утушту

Түркиянын Анталия шаарында эркин күрөш боюнча эл аралык “Yasar Dogu-2026" турнири 11-январда жыйынтыкталды. Аталган мелдеште кыргызстандык балбандар 7 медаль жеңип алышты. Бул тууралуу Дене тарбия жана спорт мамлекеттик агенттиги билдирди.

Алтын медаль уткан балбандар:

• Билол Шарип уулу - 65 килограмм
• Залкарбек Табалдиев - 70 килограм

Күмүш байге ээлери:

• Өскөнбай Абдисаматов - 65 килограмм
• Малик Шаваев - 86 килограмм

Коло медаль ээлери:

• Баяман Керимбеков - 57 килограмм
• Рустамжан Кахаров - 70 килограмм
• Адилет Маратбаев - 79 килограмм

Жыйынтыгында Кыргызстандын курама командасы жалпы командалык эсепте 2-орунду ээледи.

Жыл сайын өтүүчү аталган турнир Анталия шаарында 8-январда башталган эле.