Иран АКШнын коркутуусуна жооп берди

Иран Ислам Республикасы өзүнө коркунуч туудурган өлкөлөргө каршы алдын ала сокку уруу чараларын көрбөйт. Бул тууралуу Ирандын тышкы иштер министри Аббас Арагчи билдиргенин ТАСС агенттиги кабарлады.

"Иран согушка даяр. Бирок эскертүүчү же алдын ала чаралар каралбайт", - деген ал.

Тышкы иштер министринин айтымында, Тегеран көрсөтмөлөрдү кабыл албайт жана сүйлөшүүлөрдү өз ара урмат-сыйдын негизинде гана жүргүзүүгө даяр. Арагчи сүйлөшүүлөр чынчыл, олуттуу, тең укуктуулукка жана эки тараптуу сый-урматка негизделиши керектигин белгилеген.

Буга чейин АКШнын президенти Дональд Трамп Иран америкалык аскердик же коммерциялык объектилерге кол салса, АКШ мурда болуп көрбөгөндөй соккуларды урарын билдирген.