Түштүк Кореянын прокурорлору мурдагы президент Юн Сок Ёлго өлүм жазасын сурашты

Атайын прокурорлор тобу Түштүк Кореянын мурдагы президенти Юн Сок Ёлго аскердик абал жарыялагандыгы үчүн өлүм жазасын сурашты. Бул тууралуу чет элдик басылмалар жазышты.

Мурдагы президентке сот жана мыйзам чыгаруу бийлигин көзөмөлдөө менен өз бийлигин сактап калуу үчүн төңкөрүш уюштурган деген айып тагылууда. Ёлдун соту уланууда жана өкүм февраль айынын башында чыгарылышы күтүлүүдө.

Айта кетсек, 2024-жылдын декабрында Юн Сок Ёл өлкөдө аскердик абал жарыялаган. Бул чечим коомчулуктун нааразычылыгын жаратып, парламент аны тез арада алып салууга добуш берген. Акыр-аягы мамлекет башчысы буйрукту жокко чыгарууга макул болгон.

Мындан кийин Түштүк Кореянын парламенти камакта отурган Юн Сок Ёлго импичмент жарыялоо үчүн добуш берген.