Сузактагы келиндин өлүмү: Апасы ал учурда Орусияда болгонун айтты

Жалал-Абаддын Сузак районунда мурдагы жолдошунун колунан каза тапкан 28 жаштагы Тахминанын апасы окуя болгон учурда Орусияда болгонун айтты.

Ал "Регион" телеканалына берген маегинде эжеси чалып, кызы комада экенин айткан.

"Тез жетип кел, Тахмина комада" деди. Өлгөнүн айткан эмес. Келсем өлүп калыптыр. Бир уул, бир кызы бар. Улуусу 10до, кичүүсү 8де", - деди ал.

Маркумдун апасы кызынын балдары азыр анын кароосунда экенин кошумчалады. Тахминанын эжеси болсо окуяга күбө болгонун айтып берди.

Айта кетсек, каргашалуу окуя 3-январда орун алганын облустук милиция маалымдаган. Милиция шектүү жаран өзү байланышканын билдирген.