Трамп Гренландиянын премьер-министри үчүн “чоң көйгөйлөрдү“ убада кылды

АКШ президенти Дональд Трамп Гренландиянын премьер-министри Йенс-Фредерик Нильсендин "Арал Даниянын курамында калууну каалайт" деген сөзүнө комментарий берди. Америкалык журналисттер Трамптан Гренландиянын АКШга кошулуу ниети жоктугу тууралуу пикирин сурашты.

"Мен ал кишинин ким экенин билбейм. Ал жөнүндө эч нерсе билбейм. Бирок бул анын чоң көйгөйү болот",- деди Трамп.

Euronews маалыматына ылайык, АКШнын вице-президенти Жей Ди Вэнс жана мамлекеттик катчы Марко Рубио Дания жана Гренландиянын тышкы иштер министрлери менен АКШ президентинин администрациясында жолугушуу өткөрүшү күтүлүүдө. Бул Трамптын арктикалык аралга көзөмөл кылууга аракеттенүүсү боюнча өсүп жаткан тынчсыздануулар фонунда болот.

Даниянын тышкы иштер министри Ларс Лёкке Расмуссен журналисттерге билдиргендей, ал жана Гренландиянын тышкы иштер министри Вивиан Мотцфельдт Рубио менен жолугушууну өтүнүшкөн. Бул америкалык лидердин Даниянын автономиясына кол салуу коркунучун күчөтүшү менен байланыштуу.

"Биз жолугушуу үчүн аракет кылдык, жана аны бизге уюштурушту. Бул талкууну отурум залына өткөрүп, бири-бирибизге түз карап сүйлөшө алабыз",- деди Расмуссен.

АКШ, Дания жана Гренландиянын мамилесиндеги чыңалуу январда Трамп Гренландияны сатып алуу жөнүндө кайра билдиргенде күчөдү. Ал АКШ муну "же жеңил жол менен, же оор жол менен" жасай турганын белгилеген.

Air Force One учагында журналисттерге сүйлөгөндө Трамп АКШга Гренландияны "алуу зарылдыгын" кайталап, болбосо Орусия же Кытай буга жетише турганын айткан.

Даниянын премьер-министри Метте Фредериксен эскертип, эгер АКШ Гренландияны басып алса, НАТО бүтөт деп белгиледи.

Гренландиянын премьер-министри жана аралдагы башка саясий лидерлер жума күнү биргелешкен билдирүү жасап, аралдын келечегин анын эли гана чечиши керектигин жана "АКШнын өлкөгө карата жек көрүүсү токтошу керектигин" баса белгилешти.