Бишкекте жолдо чыккан чырдан кийин тапанча колдонгон айдоочу кармалды (видео)

Бишкекте жолдо орун алган чырда башка айдоочуну тапанча менен коркутуп, андан соң унаасы менен изин жашырып кеткен жаран кармалды. Бул тууралуу Свердлов райондук милициясы кабарлады.

Маалым болгондой, ал 1975-жылы туулган жаран болуп чыкты. Шектүү райондук башкармалыктын Тергөө кызматына жеткирилип, убактылуу кармоочу жайга киргизилди.

Учурда кылмыш иши боюнча бардык зарыл болгон тергөө аракеттери жүргүзүлүүдө. Чыр-чатак учурунда колдонулган тапанча алынып, тиешелүү экспертизага жөнөтүлдү.

Айта кетсек, жолдо эки айдоочунун ортосунда чыр чыгып, бири экинчисин тапанча менен коркуткан.