"Өмүр маанилүү". Депутат Абиров министрликти "Тез жардамга" көңүл бурууга чакырды

Бүгүн, 14-январдагы Жогорку Кеңештин жыйынында депутат Жаныбек Абиров "Тез жардам" кызматында унаалар жетишсиз экенин айтып, Саламаттыкты сактоо министрлигинен ага көңүл бурууну суранды.

Ал Бишкек шаарында калктын саны 1 миллион 300 миңге жеткенин белгилеп, калаада 40тын тегерегинде гана "Тез жардам" унаасы кызмат кыларын билдирди.

"Эл кайрылганда 1 сааттан 2 саатка чейин күтүп калып жатышат. Алардан сурасак, алар "бизге унаалар жетишпейт" дешүүдө. Азыр Саламаттыкты сактоо министрлигине жаңы команда келди. Андыктан "Тез жардам" унаасын көбөйтүү маселесин суранат элек... Азыр адам өмүрү эң маанилүү", - деди эл өкүлү.