Айдоочулук күбөлүктү алуу үчүн канча убакыт окуш керек болот?

2025-жылдын декабрь айында "В" жана "С" категориясындагы айдоочулук күбөлүктөрдү алуу боюнча жаңы окуу программасы бекитилди. Бул тууралуу президенттин иш башкаруучусунун биринчи орун басары Бообек Салимжанов билдирди.

Анын айтымында, "В" категориясын окуунун мөөнөтү 10 айды түзүп, жалпы 480 саатты түзөт. Ал эми "С" категориясынын мөөнөтү 12 айга созулат.

"Программага жолдо жүрүү эрежелеринин теориясы, жол кырсыкта биринчи медициналык жардам берүү, айдоочунун этикасы, унаа башкаруунун психологиялык-физиологиялык негиздерин окутуу кирет", - деди ал.