"Евразия Кыргызстан" уюму менен орус тилинин Евразиялык борбору Бишкектеги социалдык мекемелерде майрам уюштурушту 

"Евразия Кыргызстан" уюму менен орус тилинин Евразиялык борбору Бишкектеги социалдык мекемелерде майрам уюштурушту. Кайрымдуулук акциясынын жүрүшүндө "Үмүт-Надежда" балдар реабилитациялык борборуна, "Келечек" реабилитациялык борборуна жана "Үмүт үйү" муниципалдык социалдык мекемесине эң керектүү тиричилик техникалары жана азык-түлүктөр берилди.

Иш-чаранын жүрүшүндө аталган борбордун балдарына маданий программа уюштурулуп, Орус тилинин Евразиялык борбору студенттери тарабынан театралдаштырылган оюн-зоок, ошондой эле кичинекей балдар үчүн атайын оюндар ойнотулду.

Реабилитациялык борборлорго берилген азык-түлүктөрдүн баары "Евразия" социалдык дүкөнүнүн атынан берилди.

Демилгенин максаты – Кыргызстандагы социалдык мекемелерге практикалык жардам көрсөтүү, кызматкерлердин иштөө шарттарын жакшыртуу, балдарга жана турмуштук оор кырдаалга туш болгондорго колдоо көрсөтүү.