Мамлекеттик мүлктү башкаруу агенттигинин директоруна жаңы орун басар дайындалды

Мамлекеттик мүлктү башкаруу боюнча мамлекеттик агенттиктин директорунун орун басары болуп Замирбек Кененбаев дайындалды. Бул тууралуу 15-январда мекемеден кабарлашты.

Тиешелүү тескемеге министрлер кабинетинин төрагасы кол койду.

Буга чейин ал кызматты Эльдана Сатарова аркалап келген. Ал 14-январда ээлеген кызматынан бошотулду.

Кененбаев 1981-жылы 9-ноябрда туулган. Жусуп Баласагын атындагы Кыргыз улуттук университетинин юридикалык, экономикалык жана бажы иши факультеттерин бүтүргөн.

Иш тажрыйбасы:

• 2005-жылы – 06.2021-жылдары — өкмөткө караштуу Экономикалык кылмыштарга каршы күрөшүү боюнча мамлекеттик кызматы (финансы полициясы);
• 26.04.2022 – 03.10.2022-жылы — Финансы министрлигине караштуу Мамлекеттик салык кызматы, башкы инспектор;
• 01.10.2022 – 27.03.2023-жылы — Министрлер кабинетине караштуу Этил спиртин, алкоголдук продукцияны өндүрүүнү жана жүгүртүүнү контролдоо боюнча мамлекеттик агенттиги, башкы инспектор;
• 16.06.2023 – 16.11.2023-жылы — Министрлер кабинетине караштуу Мамлекеттик мүлктү башкаруу боюнча мамлекеттик агенттиги, директордун жардамчысы;
• 16.11.2023 – 14.01.2026-жылдары — Мамлекеттик мүлктү башкаруу боюнча мамлекеттик агенттикке караштуу «Объекттерди башкаруу боюнча дирекциясы» мамлекеттик ишканасы, директордун орун басары.