Калпагы менен таанылган Кубанычбекке Ысык-Көлдүн жетекчилери батир белекке берди (видео)

Бишкектеги Дене тарбия жана спорт академиясында калпагын чечпей, орусча сүйлөөсүн талап кылган кызматкерге баш ибей коюп таанылган Кубанычбек аттуу спортчуга Ысык-Көл облусунун бийлик өкүлдөрү батир белек кылды.

Ак өргөөнүн ачкычын облус жетекчиси Бакытбек Жетигенов тапшырып, мындан ары жетишкендиктер гана болсун деген тилегин билдирди.

Айта кетсек, Кубанычбек Бишкек шаарына спорттук мелдешке келип, аталган академиянын кызматкери менен болгон пикир келишпестиги коомчулукта резонанс жараткан. Андан кийин ал басылмаларга ата-энеси жоктугун, көчөдө тарбиялагандыгын айтып, жер төлөдө күн кечирерин көрсөткөн. Андан кийин бийликтин жардамы менен убактылуу батирге көчүрүлүп, эми өз үйүнө ээ болду.

Кубанычбек жеңил атлетика боюнча машыгып, Кыргызстандын намысын коргоп келе жаткан жаш спортчулардын бири.