ТИМ башчысы Катардагы элчинин кызматтан алынышы боюнча жооп берди (видео)

Кыргызстандын Катардагы элчиси Марат Нуралиев мамлекеттик кызматкердин этикасын бузгандыгы үчүн ээлеген кызматынан бошотулду. Бул тууралуу Тышкы иштер министри Жээнбек Кулубаев 2025-жылдын жыйынтыгы боюнча өткөн маалымат жыйынында билдирди.

"Дипломат катары Марат Нуралиев жакшы иштеген, бирок ал мамлекттик кызматкердин этикасын бузган. Буга байланыштуу биз аны кызматтан бошотуу тууралуу сунуш киргизүүгө аргасыз болдук. Мындан ары дипломатиялык кадрларды дайындоодо этикалык нормаларды сактоого өзгөчө көңүл бурабыз", - деп билдирет министр.

Белгилей кетсек, Марат Нуралиев 2023-жылдын декабрь айынан тартып Кыргызстандын Катардагы элчилигин жетектеп келген. Ал эми өткөн жылдын декабрь айында президент Садыр Жапаровдун жарлыгына ылайык, кызматынан бошотулган.