Тейлөө кайсы тилде болушу керек? (сурамжылоо)

Super.kg медиа порталы кыргыз тилинин бүгүнкү күндөгү коомдогу ордун жана күнүмдүк жашоодо кайсы тилде көбүрөөк баарлашарын аныктоо максатында сурамжылоо жүргүздү. Ага Бишкек шаарынын тургундары катышты.

Сурамжылоонун алкагында эне тилине болгон талап үчүн жоопкерчиликке тартылышы керекпи деген да суроо коюлду.

Белгилей кетсек, блогер Актилек Орозбеков "Куликовдун" дүкөндөрүнүн бирине барып, кызматкерлерди кыргыз тилинде кызмат көрсөтүүсүн талап кылган. Анын талабы аткарылбай, кеңсенин кызматкерлери менен пикир келишпестик орун алган. Андан ары кызматкерлер блогерди сотко берип, ал 9 ай үй камагында болду.

Бул көрүнүш коомчулукта массалык нааразычылык жаратып, көпчүлүк кондитердик үйдүн кызматкерлери кыргыз тилин билүүсү керектигин айтып чыгышты.

Бүгүн, 15-январда "Куликов" кондитердик үйү менен блогер Актилек Орозбеков элдешкени маалымдалды.