Мачадо өткөн жылы алган "Нобель" тынчтык сыйлыгын Трампка өткөрдү

Кечээ, 15-январда АКШнын президенти Дональд Трамп Венесуэланын оппозиция лидери Мария Корина Мачадо менен жолугушуп, өлкөнүн келечегин талкуулады. Бул тууралуу чет элдик басылмалар жазышууда.

Ак үйдө өткөн жолугушуудан кийин, өткөн жылы "Нобель" тынчтык сыйлыгынын лауреаты болгон Мачадо Трампка сыйлыкты тапшырганын айтты. Кыска билдирүүсүндө ал жолугушуу жакшы өткөнүн жана анын тарапташтары Трампка ишене аларын кошумчалады.

Бул арада Трамп сыйлыктын ага берилишин жогору баалады.

Айта кетсек, 10-октябрда Нобелдин тынчтык сыйлыгынын эсси аныкталып, ал Венесуэланын мурдагы депутаты Мария Корина Мачадого ыйгарылган. Ал демократия үчүн күрөшүп жаткан Венесуэла оппозициясынын көрүнүктүү өкүлү катары таанылган.

Буга чейин АКШнын президенти Дональд Трамп өзүн бул сыйлыкка татыктуу деп эсептеп, саясий жана дипломатиялык аракеттери үчүн Нобелге көрсөтүлүшү керек деген пикирлерди билдирген.