Өлкөдө күйүүчү май убактылуу арзандады

Кыргызстанда күйүүчү майдын баасы 1-1,5 сомго арзандады. Бул тууралуу Нефтетрейдерлер ассоциациясынан билдиришти.

Маалым болгондой, анын себеби Орусиядагы мунай иштетүүчү заводдор декабрдын аягында кампалардагы калган продукцияны сатуу үчүн адаттагыдай эле дүң сатуу бааларын төмөндөттү.

"Ошол эле учурда баалар мындан ары кандай өзгөрөрүн азырынча так айтуу мүмкүн эмес, анткени жакынкы күндөрү өндүрүүчүлөр жаңы баа көрсөткүчтөрүн жарыялайт",- деп билдирди Канатбек Эшатов басылмалардын бирине.