Бишкектин айрым райондорунда суу өчүрүлөт

20-январда саат 09:00дөн 02:00гө чейин Бишкек шаарынын айрым турак жайларында, социалдык мекемелеринде ичүүчү суу берүү убактылуу токтотулат. Бул тууралуу 16-январда шаар мэриясынан билдиришти.

Маалыматка ылайык, суу 3, 4, 5, 7, 8, 9 жана 10-кичи райондо өчүрүлөт.

Ошондой эле төмөнкү көчөлөр менен чектелген аймакта: Айтматов проспекти – Абдрахманов көчөсү – Бакаев көчөсү – Масалиев проспекти – Токтоналиев көчөсү – Ата түрк паркы – Ахунбаев көчөсү – Аламүдүн дарыясы – Түштүк чоң Чүй каналы – Байтик Баатыр көчөсү – Ала-Арча дарыясы – Семетей көчөлөрүндө да өчүрүлөт.

Муниципалитет жаралган убактылуу ыңгайсыздыктар үчүн кечирим сурайт жана мекемелерди, ошондой эле шаар тургундарын алдын ала ичүүчү суу камдап алууга чакырат.