Шымкентте студент кыздын кандуу өлүмү: Ички иштер министрлиги билдирүү жасады

Шымкентте 21 жаштагы студент кыздын өлүмү боюнча Ички иштер министрлиги билдирүү жасады. Бул тууралуу жергиликтүү басылмалар жазышты.

ИИМдин маалыматына караганда, кылмыш ишинин иликтөөсү министрликтин түз көзөмөлүндө жүрөт. Алдын ала маалыматтарга ылайык:

• Шымкенттин полиция кызматкерлери өз убагында чара көрбөй калганы тууралуу дооматтар боюнча кызматтык териштирүү дайындалды.

• Соттун санкциясы менен шектүү кармалып, атайын иликтөө-оперативдик топ түзүлдү.

• Бардык тергөө иштеринин жыйынтыгы боюнча шектүүнүн аракеттерине укуктук баа берилет.

ИИМ билдиргендей, учурда видеокөзөмөл камераларынын жазуулары да каралууда, бардык маалыматтар кылдат текшерилип жатат. Министрлик зордук көрүнүштөрүнө каршы принципиалдуу позицияда экенин жана мыйзамга ылайык кылмышкер жазаланарын камсыз кыларын кошумчалады.

Мурунку билдирүүлөргө ылайык, депутат Мурат Абенов кыздын өлүмү алдын алуу мүмкүн болчу деп эсептейт. Ал ата-энесинин арызына полиция кам көрбөгөнүн айтып, Шымкенттин полиция башчысын кызматтан кетирүүнү талап кылган.

Шектүү 28 жаштагы жергиликтүү тургун, каза болгон кыз менен тааныш адам катары аныкталды. Ал 13-январда шаардан 10 чакырым аралыкта кармалып, камакка алынган.

Нурай ата-энеси менен бир үйдө жашап келген, эки чоң агасы бар эле жана үй-бүлөдөгү кичүү кыз болчу.