Трамп Газа Тынчтык кеңешине 3 жылдан ашык мүчөлүк үчүн 1 миллиард доллар алат

АКШнын президенти Дональд Трамптын администрациясы өзү түзүп жаткан Газа Тынчтык кеңешинде 3 жылдан ашык мөөнөткө кызмат кылууну каалаган өлкөлөргө 1 миллиард доллар өлчөмүндө салым кошууну сунуштап жатат. Бул тууралуу Bloomberg басылмасы жазып чыкты.

"Ар бир мүчө мамлекет ушул устав күчүнө кирген күндөн тартып 3 жылдан ашпаган мөөнөткө өз ордун ээлейт. Бул төрага тарабынан жаңыртылышы мүмкүн. 3 жылдык мүчөлүк мөөнөтү ушул устав күчүнө кирген күндөн тартып биринчи жылда Тынчтык кеңешине 1 миллиард доллардан ашык накталай акча салган мүчө мамлекеттерге тиешелүү эмес", - деп келтирди басылма уюмдун уставынын долбоорундагы маалыматты.

Уставдын долбооруна ылайык, АКШнын президенти топтун биринчи төрагасы болуп иштейт жана кимди мүчөлүккө чакыруу керектигин өзү чечет.

"Чечимдер көпчүлүк добуш менен кабыл алынат, катышкан ар бир мүчө мамлекет бир добушка ээ болот, бирок бардык чечимдер Төрага тарабынан бекитилиши керек", - деп жазат басылма.

Уставдын долбоорунда кеңеш чыр-чатактан жабыркаган же чыр-чатак коркунучунда турган аймактарда туруктуулукту камсыз кылууга, бекем жана мыйзамдуу башкарууну калыбына келтирүүгө жана узак мөөнөттүү тынчтыкты камсыз кылууга умтулган эл аралык уюм катары сүрөттөлөт.

Bloomberg белгилегендей, сынчылар Трамп Бириккен Улуттар Уюмуна альтернатива же атаандаш түзүүгө аракет кылып жатат деп кооптонушат.

Буга чейин Газа тилкесин башкаруу жана аны кайра куруу иштерин көзөмөлдөй турган Улуттук комитет жана Тынчтык кеңеши түзүлгөнү жарыяланган.