Белгилүү "Падыша Арстан" мультфильминин режиссёрлорунун бири Аллерс каза болду

"Walt Disney" кинокомпаниясынын 1994-жылы тартылган "Падыша Арстан" ("Король Лев" ) мультфильминин режиссёрлорунун бири Роджер Аллерс 76 жашында каза болду. Бул тууралуу чет элдик басылмалар жазышты.

"Досубуздун ааламдан өткөнүн угуп, аябай кайгырып турам. Биз электрондук почта аркылуу өткөн аптада, ал Египетте саякаттап жүргөндө байланышканбыз. Роджер өзгөчө таланттуу режиссёр эле",- деп жазган кесиптеши, режиссёр Дэйв Боссерт.

Америкалык кинорежиссёр, сценрист Аллерс режиссёр, аниматор Роб Минкофф менен бирге 1994-жылы "Падыша Арстан" тасмасын тарткан. Ал "Диснейдин" анимациялык чыгармачылыгындагы эң мыкты тасмалардын бири катары таанылган. "Падыша Арстан" дүйнөлүк сатыкта 771 миң доллар киреше жыйнаган.

Аллерс ошондой эле "Аладдин", "Суу периси" ("Русалочка"), "Сулуу бийкеч жана түрү суук" ("Красавица и чудовище") "Мергенчилик мезгили" ("Сезон охоты"), "Оливер жана компания" ("Оливер и компания") жана башка ири долбоорлорго катышкан.