"Кубанычыбызда чек жок!" ."Учур" театры жаңы имараттуу болот (видео)

Мамлекеттик “Учур” жаштар театры жаңы имараттуу болот. Бул тууралуу аталган театрдын социалдык тармактагы баракчасына жарыяланды.

Андагы маалыматка ылайык, театрга буга чейин "Туңгуч" жеке театры колдонуп келген имарат берилет.

"Жакында "Чатыр-Көл" театрын мэрияга өткөрүп, анын негизинде "Туңгуч" театрынын имаратында бизди тосуп алышмай болду.

Бир нече баш байгелерди багындырган, чет өлкөгө байма-бай чыгып Кыргыз театрын даңазалаган биздин спектаклдерди жакында жаңы сахнадан көрөсүздөр. Кубанычыбызда чек жок!",- деп жазылат билдирүүдө.