№13 округда жети жаран шайлоого катышуу ниетин билдирди

Бүгүнкү күнгө карата жети жаран №13 округдагы кайра шайлоого катышуу ниетин билдирип, Борбордук шайлоо комиссиясына арыз берди. Бул тууралуу мекеменин расмий сайтына жарыяланды.

Тизме:

• Арстанбеков Акылбек Советбекович - "Кыргызстан" топтолмо пенсиялык фонду, кеңештин төрагасы
  
• Маматаев Эркинбек Садирбекович - убактылуу иштебейт
• Асанов Уланбек Жалалович - "Эмитент виртуальных активов" ААКсынын директорлор кеңешинин төрагасы
• Асамудинов Бактыбек Асанович - Кыргыз Республикасынын адвокатурасы
• Калматов Токторали Калдарович - жеке ишкер
• Чолпонов Уланычбек Калдарбекович - Базар-Коргон РЭСнин жетекчиси
• Матсаков Кадырбек Мусаевич - жеке адвокат

Эске салсак, БШК Жалал-Абад облусунун №13 округундагы шайлоонун жыйынтыгын жокко чыгарган. Мекеме аталган округда шайлоо бир ай ичинде кайра дайындаларын, мурдагы 14 талапкер кайра катыша албастыгын билдирген. Шайлоо талапкерлердин документтери 29-январга чейин кабыл алынат. Ал эми шайлоо ушул жылдын 1-мартында өтөт.

№13 шайлоо округу Масы айылы. Шайлоочулардын саны 159 миң 906. Шайлоо округуна Базар-Коргон шаарындагы №2423, 2428, 2140, 2141 шайлоо тилкелери, Кеңеш, Арстанбап-Ата, Сайдыкум айыл аймактары кирди.