Үч жылда кыргыз киносуна бөлүнгөн бюджет 3 эсе өстү (видео)

Үч жылда кыргыз киносуна бөлүнгөн бюджет дээрлик 3 эсе өстү. Бул тууралуу маданият министринин орун басары Марат Тагаев 19-январдагы парламенттин Илим, билим берүү, инновациялык өнүгүү жана маалыматтык технологиялар, маданият комитетинин жыйынында суроолорго жооп берип жатып билдирди.

• 2023-жыл 354 миллион сом;
• 2024-жыл 377 миллион сом;
• 2025-жыл 1 миллиард 20 миллион сом;
• 2026-жыл 988 миллион сом өлчөмүндө каражат бөлүндү.

2023-жылы 3 толук метраждуу көркөм тасма, 3 толук метраждуу даректүү тасма, 2 кыска метраждуу көркөм тасма, 17 кыска метраждуу даректүү тасма, 1 анимациялык тасма, 5 сериал тартылган. Ошондой эле ар кандай видеороликтердин үстүндө иш жүргөн.

2024-жылы 2 толук метраждуу көркөм тасма, 7 толук метраждуу даректүү тасма, 1 кыска метраждуу көркөм тасма, 24 кыска метраждуу даректүү тасма, 2 анимациялык тасма, 7 сериал тартылган.

Ал эми 2025-жылы болсо 5 толук метраждуу көркөм тасма, 6 толук метраждуу даректүү тасма, 21 кыска метраждуу фильм, 3 кыска метраждуу көркөм тасма жана 2 анимациялык тасма тартылган.