Жарандардын кайрылууларын кароонун мөөнөтүн кыскартуу сунушталууда

Жарандардын кайрылууларын кароо мөөнөтүн 14 жумуш күнүнөн 10 күнгө чейин кыскартуу сунушталууда. Тиешелүү мыйзам долбоору 20-январда коомдук талкууга коюлду.

Аталган мыйзам долбоорун Жогорку Кеңештин депутаты Бактыяр Калпаев демилгелеген.

Анын максаты - мамлекеттик башкаруунун санариптешүү шартында жарандардын кайрылууларын кароонун натыйжалуулугун жана ыкчамдыгын жогорулатуу болуп саналат.

"Кайрылууларды кароо мөөнөтүн кыскартуу чет өлкөлүк мекемелердин ыкчам аракеттенүүсүнө, ал эми биздин жарандардын документтерге байланыштуу же башка жардам алуу маселелерин тез чечүүсүнө шарт түзөт",- деп жазылат документте.