Дастан Бекешев: "ЖОЖдор окуу акысынын өлчөмүн кескин көтөрүп жиберишти" (видео)

Бүгүн, 21-январда Жогорку Кеңештин жыйынында депутат Дастан Бекешев жогорку окуу жайлардагы студенттерден акча алуу маселесин кайрадан көтөрдү.

Эл өкүлүнүн айтымында, окуу жайларда студенттерден сабакка келбегени үчүн акча алуу токтогону менен окуу акысынын өлчөмү көтөрүлгөн.

"Жаштар абдан тынчсызданып жатышат. Жогорку окуу жайлардагы сабакка келбегени үчүн акча алууну токтоттук. Бирок окуу жайлар мындан улам, окуу акысынын өлчөмүн кескин көтөрүп жиберишкен. Азыр баары кымбаттап жаткан учурда көпчүлүк окуй албай калууда. Келгени, кеткени үчүн акча алышат. Мага түшүндүрүп койгулачы окуу жайлар ушундай акча алууну кайдан ойлоп табышат?",- деди Бекешев.