Бишкекте жалгыз бара жаткандарды тоноп жүргөндөр аныкталышты

Бишкекте жарандарды тоноп келишкен деген шек менен 19, 17 жана 15 жаштагы жарандар кармалышты. Бул тууралуу бүгүн, 21-январда борбор калаа милициясы билдирди.

Маалыматка ылайык, алар 12-январда түнкү саат 02:00 чамасында Горький көчөсүнөн жарандын баасы 60 сомдук iPhone 13 Pro Max үлгүсүндөгү телефонун тартып алышкан. Тоноого кабылган жаран арыз менен милицияга кайрылган.

Факт боюнча Кылмыш-жаза кодексинин 206-беренеси (Тоноо) менен кылмыш иши козголуп, шектүүлөр 2 айга камакка алынышты.

Тергөөдө алардын буга чейин да бир нече жарандын телефонун тартып алышканы аныкталды. Шектүүлөр унаага жасалма мамлекеттик номурларды тагып алышып, көчөдө жалгыз бара жаткан жарандарды тоноп жүрүшкөн. Кармалгандан кийин милицияга 4 телефонду өткөрүп беришкен.