Казакстандан жылкы өткөрүп берүү үчүн жарандын акчасын алдап алган шектүү кармалды (видео)

Чүйдө ири өлчөмдөгү алдамчылыкка шектелген жаран кармалды. Бул тууралуу Чүй ОИИББинин басма сөз кызматы кабарлады.

Маалыматка ылайык, өткөн жылдын 21-ноябрында облустук милицияга А.Ж. аттуу жаран арыз менен кайрылган. Анын айтымында, былтыр сентябрь айында М. аттуу жаран Казакстандан Кыргызстанга баасы 7 миллион сомдон ашык каражатты түзгөн 65 баш жылкыны айдап өтүүнү убада кылып, 2 миллион теңге жана жогоруда көрсөтүлгөн малды өткөрүп алган. Бирок аталган жаран убадасын аткарбай из жашырган.

Ыкчам-издөө иш-чараларынын жүрүшүндө аталган кылмышка шектүү катары 42 жаштагы К.М. аттуу жаран кармалган. Ага Кылмыш жаза кодексинин 96-беренесине ылайык кылмыш иши козголуп, убактылуу кармоочу жайга киргизилген. Учурда иликтөө иштери уланууда.