Бишкекте каракчылыкка шектелген жаран кармалды (видео)

Бишкек шаарында каракчылыкка шектелген жаран кармалды. Бул тууралуу 21-январда Ленин райондук ички иштер башкармалыгынын басма сөз кызматы билдирет.

Маалыматка ылайык, Н.Б. аттуу жаранды чала таанышы бычак менен коркутуп, iPhone 15 Pro Max үлгүсүндөгү эки уюлдук телефонун жана 20 000 сом акча каражатын тартып алып, белгисиз тарапка из жашырып кеткен.

Бул факт боюнча Кылмыш-жаза кодексинин 206-беренеси (Талап-тоноо) менен кылмыш ишин козголду. Ыкчам-издөө иш-чараларынын жүрүшүндө 1989-жылы туулган М.Ф. аттуу шектүү кармалды. Кармоо учурунда андан iPhone 15 Pro Max үлгүсүндөгү уюлдук телефон табылып, экинчи телефон 18 000 сомго сатылганы аныкталды.

Учурда тергөө иштери улантылууда.