Мыкты мугалим аталган Элзат Асанова утуп алган батирин көрсөттү (видео)

“Жылдын мыкты мугалими” республикалык конкурсунун баш байгесин жеңип алган Элзат Асанова Бишкек шаарынан берилген бир бөлмөлүү батиринин ачкычын алды.

Ал ак өргөөсүнүн босогосун аттап, жакшылыгы менен Инстаграм баракчасынан бөлүштү.

"Кубанычымда чек жок. Мугалим деген ардактуу кесип экенин дагы бир жолу далилденип жатат", - деди ал.

Элзат Асанова Ысык-Көл облусунун Түп районундагы Үмөталиев атындагы №22 Долон жалпы билим берүү мектебинде кыргыз тили жана адабияты мугалими болуп эмгектенет.