Чүйдө тургундун бодо малын үчүнчү жактарга сатып жиберген шектүү кармалды

Чүй облустук милициясы Сокулукта алдамчылыкка шектүү 66 жаштагы жаран кармалганын билдирди.

Такталгандай, 3-январда милицияга 1974-жылы туулган И.М. аттуу жаран арыз менен кайрылган.

Арыз ээсинин маалыматына ылайык, 2010-жылы Б.М. жалпы 10 баш бодо малын багууга алган. 2010-2025-жылдар аралыгында аларды Сокулуктун Төш-Булак айылындагы жеке сарайда кармап келген. Кийинчерээк ал жаран жалпы саны 60тан ашуун бодо малды багып жүргөн. Учурда аталган жаран малды кайтарып бербей, үчүнчү жактарга сатып жибергендиги аныкталган.

Аталган факт каттоого алынып, кылмыш-жаза кодексинин 209-беренеси (Алдамчылык) боюнча кылмыш иши козголгон. Шектүү катары 66 жаштагы Б.М. аттуу жаран кармалып, убактылуу кармоочу жайга киргизилген.

Учурда тергөө иш-чаралары улантылууда.