Трамп АКШнын эч ким билбеген, жашыруун куралы бар экенин айтты

АКШнын президенти Дональд Трамп Америкада эч кимге белгисиз, өзгөчө күчтүү курал бар экенин билдирди. Ал бул тууралуу News Nation телеканалына берген маегинде билдирген.

Трамп Венесуэлада жүргүзүлгөн операция маалында америкалык аскерлер белгисиз үн колдонулган курал колдонушкан деген маалыматтарга жооп берип жатып: "АКШда эч ким билбеген, жашыруун курал бар. Бул тууралуу айтпаганыбыз жакшыдыр, бирок бизде укмуштуудай курал бар",- деп билдирген.

Буга чейин айрым маалымат каражаттары венесуэлалык аскер кызматкерине шилтеме берип, операция учурунда абадан коргонуу системи иштебей калганын, андан соң асманда дрондор менен тик учактар пайда болгонун жазышкан. Айрым адамдарга күчтүү үн толкунунун таасири тийип, алар өздөрүн жаман сезип, кыймылдай албай калгандыгы айтылган.

Эске салсак, 2025-жылдын декабрында АКШ Венесуэлада операция жүргүзүп, президент Николас Мадуро жана анын жубайын Каракаста кармаган. Кийин Мадуро АКШнын Бруклин шаарындагы тергөө абагына жеткирилген.