Кыргызстандын АКШдагы элчиси Монголияга элчи болуп дайындалды

Айбек Артыкбаев Кыргызстандын Монголиядагы элчиси кызмат ордунан бошотулду. Анын ордуна буга чейин АКШдагы элчилик кызматты аркалаган Айбек Молдогазиев дайындалды. Бул тууралуу кечээ, 21-январда президенттин басма сөз кызматы билдирди.

Маалым болгондой, тиешелүү буйрукка өлкө башчысы Садыр Жапаров кол койду.

Эскерте кетсек, Молдогазиев АКШга элчи болуп 2024-жылдын 26-декабрында дайындалган. Ал эми Артыкбаев Монголиядагы Кыргыз элчиси болуп 2023-жылы 8-июлда дайындалган.