Депутаттар гендердик теңчилик боюнча мыйзам долбоорун колдошту

Бүгүн, 22-январдагы Жогорку Кеңештин жыйынында "Гендердик теңчилик маселелери боюнча Кыргыз Республикасынын мыйзам актыларына өзгөртүүлөрдү киргизүү жөнүндө" мыйзам долбоору каралып, экинчи окууда кабыл алынды.

Аталган мыйзам долбоорун депутаттар Камила Талиева, Чыңгыз Айдарбеков, Жанарбек Акаев, Медербек Алиев, Сеидбек Атамбаев жана башка депутаттар демилгелешкен.

Сунушталган мыйзам долбоорлору адамдын жашоо ишмердүүлүгүнүн саясий, социалдык, экономикалык, маданий жана башка чөйрөлөрүндө ар башка жыныстагы адамдар үчүн бирдей укуктарды жана мүмкүнчүлүктөрдү берүү жаатындагы укуктук жөнгө салууну жакшыртуу максатында иштелип чыкканы айтылды.