АКШ Куба бийлигин жылдын аягына чейин алмаштырууну пландап жатабы?    

АКШнын президенти Дональд Трамптын администрациясы Куба өкмөтүнүн ичинен жылдын аягына чейин өлкөдөгү азыркы саясий режимди кулатууга жардам бере турган адамдарды издеп жатат. Бул тууралуу The Wall Street Journal жеке булактарына таянып жазып чыкты.

"Венесуэланын президенти Николас Мадурону бийликтен кулатканына шыктанган Трамптын администрациясы жылдын аягына чейин коммунисттик режимди кулатуу боюнча келишим түзүүгө жардам бере турган Куба өкмөтүнө жакын адамдарды издеп жатат",- деп жазат басылма.

Макалада АКШ администрациясы Кубанын экономикасы азыр кулап кетүү алдында турат жана өкмөт мурдагыдан да алсыз деп эсептей турганын белгилеген. Бирок булактар ​​чиновниктердин Куба өкмөтүн кулатуу боюнча белгилүү бир планы жок экенин айтып беришкен.