Станислав Бондаренко катышкан "Бейиш 2: Апама кат" тасмасынын тизери чыкты (видео)

Режиссёр Руслан Акундун "Бейиш - эненин таманында" аттуу тасмасынын уландысы болгон "Бейиш 2: Апама кат" көркөм тасмасынын расмий тизери жарык көрдү.

Анда театр жана кино жаатында кеңири таанымал, көптөгөн телесериалдарда жана толук метраждуу тасмаларда роль жараткан орусиялык актёр Станислав Бондаренкону көрүүгө болот. Ал "Бейиш 2: Апама кат" тасмасынын актёрдук курамында да роль аткарат.

"Бейиш 2: Апама кат" тасмасы биринчи бөлүктөгү драмалык окуянын уландысы болуп, эненин мээрими, руханий баалуулуктар, улуулардын жоопкерчилиги жана каниет кылуу сыяктуу темаларды камтыйт. Тасма эл аралык кинофестивалдарда жогору бааланган жана заманбап Кыргыз киносунда өзгөчө орду бар режиссёр Руслан Акундун жетекчилиги алдында тартылууда.

Тасманын бет ачары 2026-жылдын 29-январында Кыргызстандагы бардык кинотеатрларда өтөт.

Тасманы тартууну "Egemen" жана "AZO Originals" студиялары ишке ашырууда. Улуттук сатыктан кийин тасманы эл аралык деңгээлде көрсөтүү пландалууда.