"Газпром Кыргызстан" кечиктирилген төлөмдөр үчүн туум албайт 

"Газпром Кыргызстан" ишканасы март айынын аягына чейин кечиктирилген төлөмдөр үчүн туум албайт. Бул тууралуу ишкананын басма сөз кызматы кабарлады.

Маалыматка ылайык, мындай чечим "акылдуу" эсептегичтердин маалымат берүү системинде байкалган техникалык мүчүлүштүктөргө байланыштуу кабыл алынган. Компания көрсөткүчтөрдүн туруксуз кабыл алынышы колдонуучуларга ыңгайсыздык жаратканын түшүнүп, туумду эсептөө боюнча убактылуу акция жарыялаган.

"Туум 2025-жылдын декабрь айынын аягына карата түзүлгөн карызга гана токтотулат. Эгерде карыз январь-март айларында төлөнбөсө, 1-апрелден тартып туум кадимки тартипте кайра эсептеле баштайт. Учурда маалымат берүү системи туруктуу иштеп жатат, эсептөөлөр эсептегичтердин иш жүзүндөгү көрсөткүчтөрүнүн негизинде жүргүзүлүүдө",- деп маалымат берди "Газпром Кыргызстан".

Белгилей кетсек, Жогорку Кеңештин жыйынында депутат Улукбек Карыбек уулу "Газпром Кыргызстан" ишканасынын ишмердүүлүгүнө нааразычылыгын билдирип, колдонуучуларга 3 айдын дүмүрчөгү бир убакта келип жатканын айткан.