АКШ Кубага мунай жеткирүүнү бөгөттөшү мүмкүн 

АКШнын президенти Дональд Трамптын администрациясы Кубада бийликти алмаштырууга мажбурлоо үчүн бул өлкөгө бардык мунай жеткирүүнү бөгөттөө маселени талкуулап жатат. Бул тууралуу Politico басылмасы булактарга шилтеме берип жазды.

Булактардын маалыматы боюнча, мамлекеттик катчы Марко Рубио жана башкалар мунай блокадасы идеясын колдойт. Бирок, Politico бул маселе боюнча акыркы чечим али кабыл алына электигин белгилейт.

Ошол эле учурда макалада баса белгиленгендей, талкуунун айрым катышуучулары мындай катаал чаралардын кереги жок деп эсептешет.

Буга чейин The Wall Street Journal жеке булактарына таянып, Вашингтон Куба өкмөтүнүн ичинен жылдын аягына чейин өлкөдөгү азыркы саясий режимди кулатууга жардам бере турган адамдарды издеп жатканын жазган.