Супер-Инфо
super.kg видео
Ошто күйөөсүнүн токмогуна кабылган келин ооруканага жаткырылды
Ош шаарында жубайын сабоого шектелип 31 жаштагы жаран кармалды. Бул тууралуу калаанын милициясы билдирди.
Маалыматка ылайык, бүгүн, 24-январда эртең менен саат 05:00 чамасында милицияга 26 жаштагы келин ооруканага жаткырылганы, ал жолдошу тарабынан ур-токмокко алынганы тууралуу кабар түшкөн.
"Шектүү мас абалында болгон. Учурда тиешелүү текшерүү иштери жүрүп жатат. Атайын экспертизалар дайындалат. Алгачкы тергөөнүн маалыматына караганда, жабырлануучу аял күйөөсүнөн качып баратып жыгылып, денелери жабыркаган. Учурда ооруканада.
Дарыгерлердин маалыматына караганда абалы канааттандырарлык. Тергөө ишинин жүрүшүндө аныкталган жаңы жагдайлар боюнча кошумча маалымат берилет. Күйөөсүнүн мыйзамсыз аракеттерине сөзсүз тиешелүү юридикалык баа берилет", - деп айтылат маалыматта.
Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.
Рубрикадагы соңку кабарлар
Рейтинг: 
0
0
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.