Экс-депутат Кубанычбек Кадыров үй камагына чыкканы айтылды

Камакта жаткан экс-депутат Кубанычбек Кадыров үй камагына чыкты. Бул тууралуу "Азаттык" анын жактоочусу Асел Аргынбаевага таянып жазды.

Маалыматка ылайык, “Бийликти күч менен басып алуу” беренеси менен шек саналып кармалган саясатчы 24-январда Биринчи Май райондук сотунун токтому менен үй камагына чыккан.

Жактоочу Ички иштер министрлигинин тергөөчүсүнө Кадыровдун бөгөт чарасын өзгөртүү боюнча арыз жазганын, кийин тергөөчү сотко өтүнүч келтирип, судья аны канааттандырганын айткан.

Белгилей өтсөк, былтыр ноябрь айында кезексиз парламенттик шайлоо бүткөндө массалык башаламандыктарды уюштурууну көздөшкөн деген шек менен 10 адам кармалган. Алардын арасында Кубанычбек Кадыров да бар болчу.