Кытайда илбирс туристке кол салды

Кытайдын Шинжаң-Уйгур автоном районунун Фуюань уездинде илбирс туристке кол салды. Бул тууралуу чет элдик басылмалар жазышты.

Маалым болгондой, окуя жума күнү кечинде Талат кыштагынын аймагында болгон. Анда турист тоодон лыжа тээп, мейманканага кайтып келе жатканда жырткыч кол салган.

Жабырлануучу тез арада ооруканага жеткирилип, ага керектүү медициналык жардам көрсөтүлгөн. Анын абалы туруктуу экени, өмүрүнө коркунуч жок экени айтылууда.

Жергиликтүү бийлик аталган аймакты кайтарууну күчөтүп, туристтер арасында түшүндүрүү иштерин жүргүзүүдө.